ပင်လုံကတိက၀တ်၊ ပင်လုံသဘာတူညီချက်များနှင့် ပါတ်သက်သည့် သမိုင်းမှတ်တမ်း အချက်အလက်များ

ယနေ့မျက်မှောက်ကာလ၌ကမ္ဘာပေါ်တွင် ``ပြည်ထောင်စုမြန်မာနိုင်ငံ``နေဖြင့် တည်ရှိနေသည့် ကျွန်ုပ်တို့၏နိုင်ငံတော်သည်၊ ပင်လုံအစည်းဝေး၊ ပင်လုံကတိက၀တ်၊ ပင်လုံသဘောတူညီချက်များဖြင့်ပေါ်ထွန်းလာသည့် ပြည်ထောင်စုကြီးဖြစ်သည်ဟုဆိုက မှားမည်မဟုတ်ပါ။ သမိုင်းမှတ်တမ်းအထောက်အထားအချက်အလက်များ အထင်အရှားရှိသည်များမှ လိုအပ်မည်ဟု ယူဆသော အချို့ကိုစုဆောင်းတင်ပြအပ်ပါသည်။

၁။         နောက်ခံသမိုင်း။

            (က)                  အင်္ဂလိပ်ခုခံဆန့်ကျင်ရေး

            မြန်မာနိုင်ငံသမိုင်းကြောင်းကို လေ့လာသုံးသပ်ကြည့်ရာ၊ တတိယအင်္ဂလိပ်မြန်မာစစ်ပွဲ ခရစ်သက္ကရာဇ် ၁၈၈၅ ခုနှစ်၊ နိုဝင်ဘာလ၌ မန္တလေး နေပြည်တော်ကို အင်္ဂလိပ်တို့က သိမ်းပိုင်းပြီး သီပေါမင်းကို ဖမ်းဆီးသွားပြီးနောက်တွင်၊ မြန်မာဘုရင်တို့ အုပ်စိုးသော နယ်မြေများ အင်္ဂလိပ် လက်အောက်သို့ ကျရောက်သွားပြီးဖြစ်သည်။

            ထို့နောက်တွင် အင်္ဂလိပ်တပ်များတို့သည် ဧရာဝတီမြစ်၏အထက်သို့တက်လာသည်ဖြစ်ရာ၊ ၁၈၈၅ ခုနှစ်၊ ဒီဇင်ဘာလ (၂၈)ရက်နေ့တွင်၊ ဗန်မော်ဒေသသို့ရောက်ရှိလာကြသည်။ ထိုစဉ်ဗန်မော်မြို့ဝန်မှ အင်္ဂလိပ်ကိုကြိုဆိုလက်ခံခဲ့သည်။

            ၁၈၈၆ ခုနှစ်မှစတင်၍ ကချင်လူမျိုးများတို့သည် မိမိတို့၏ဒေသသို့ဝင်ရောက်လာသော အင်္ဂလိပ်တို့အား စတင်တိုက်ခိုက်ခဲ့ကြသည်။ အင်္ဂလိပ်တပ်များရောက်ရှိလာသော ကချင်ဒေသနေရာအနှံ့တွင် ကချင်များသည်အင်္ဂလိပ်တို့အား ခုခံဆန့်ကျင်တိုက်ခိုက်ခဲ့ကြသည်၊ ကျောက်တုံးကြီးများဖြင့် ခံတပ်တည်ဆောက်၍ နေခဲ့ကြသည်ဖြစ်ရာ၊ ယနေ့တိုင်အောင် အင်္ဂလိပ်ခံတပ်ဟောင်း (၆)နေရာကို မြင်တွေ့ရပါသည်။

            ပူတာအိုမှအင်္ဂလိပ်ခံတပ်ကို ထိုနယ်၌တိုက်ပွဲတွင်ကျဆုံးခဲ့သော အင်္ဂလိပ်ဗိုလ်၏အမည်ဖြင့် Fort Hertz ဟူ၍၎င်း၊ ဆဒုံးမှခံတပ်ကို ထိုနယ်၌တိုက်ပွဲတွင်ကျဆုံးသော အင်္ဂလိပ်ဗိုလ်နာမည်ဖြင့် Fort Harrison ဟူ၍၎င်း၊ ဆီမားခံတပ်ကို ထိုနယ်၌တိုက်ပွဲတွင်ကျဆုံးသော အင်္ဂလိပ်နာမည်ဖြင့် Fort Morton ဟူ၍၎င်း၊ ဧရာဝတီမြစ်အရှေ့ဘက်ခြမ်းတို့၌ Na Hpaw Fort, Alaw Bum Fort, Ura Bum Fort စသည့်အင်္ဂလိပ်

ခံတပ်ဟောင်းများကို ယနေ့ထိတိုင်မြင်တွေ့ရပါသည်။ ကချင်အမျိုးသားတို့ကအင်္ဂလိပ်ရောက်ရှိလာသည်ကို 

 ခုခံတိုက်ခိုက်ကြသည်ဖြစ်သောကြောင့် ကချင်လူမျိုးများ၏နယ်မြေဒေသအားလုံးသို့ အင်္ဂလိပ်များမရောက်
နိုင်ခဲ့၊ မအုပ်ချုပ်နိုင်ခဲ့ကြပါ။

            (ခ)       ဂျပန် တော်လှန်ဆန့်ကျင်ရေး

            ၁၉၃၉ခုနှစ်တွင် ဒုတိယကမ္ဘာစစ်ဖြစ်ပွားလာချိန် အင်္ဂလိပ်ကိုပြန်လည်တိုက်ထုတ်ရန်အတွက် ဗိုလ်ချုပ်အောင်ဆန်းနှင့် ရဲဘော်သုံးကျိပ်တို့သည် ဂျပန်နှင့်ဆက်သွယ်ပြီး ရဲဘော်သုံးကျိပ်လည်း ဂျပန်
စစ်သင်တန်းယူကြကာ ဂျပန်တပ်နှင့်အတူမြန်မာနိုင်ငံသို့ ၀င်ရောက်လာခဲ့ကြသည်။ ဂျပန်တို့သည် ၁၉၄၂-၄၃ ခုနှစ် အချိန်တိုအတွင်း၌ မြန်မာနိုင်ငံကိုနယ်ချဲ့အုပ်စိုးနေသော အင်္ဂလိပ်ကိုလိုနီအစိုးရကို မြန်မာနိုင်ငံအနှံ့မှ တိုက်ထုတ်နိုင်ခဲ့ကြသည်။ ဂျပန်တို့သည် ကချင်အမျိုးသားတို့၏ ဒေသသို့လည်း ရောက်ရှိလာကြသည်ဖြစ်ရာ ကချင်လူမျိုးများတို့သည် အင်္ဂလိပ်တို့အားခုခံတိုက်ခိုက်ခဲ့သည့်နည်းတူ ဂျပန်တပ်များကိုလည်း ကချင်ဒေသအနှံ့အပြား၌ ခုခံ တိုက်ခိုက်ခဲ့ကြသည်။ ဂျပန်ကို ကချင်များခုခံတိုက်
ခိုက်သည်ကိုသိရသော အင်္ဂလိပ်နှင့်မဟာမိတ်တပ်များသည် ကချင်များနှင့်အဆက်အသွယ်ပြုလုပ်ကြပြီး အင်္ဂလိပ်နှင့်မဟာမိတ်တပ်များသည် ဂျပန်ကိုပြန်လည်တိုက်ထုတ်ရန်အစီအစဉ်ရှိရှိ အင်အားထပ်တိုးဝင်
ရောက်လာကြသည်။ 

ကချင်အမျိုးသားများကလည်း မဟာမိတ်တပ်များနှင့်ပူးတွဲ၍ British Kachin Levies, American Kachin Rangers တပ်များဖွဲ့စည်းကာ ဂျပန်များကို တွန်းလှန်တိုက်ထုတ်ခဲ့ကြသည်။ မြစ်ကြီးနားမြို့ကို ဂျပန်များ
ခြေကုပ်စိုးမိုးထားရာမှ ၁၉၄၄ ခုနှစ်၊ သြဂုတ်လ (၃)ရက်နေ့တွင် ပြန်လည်သိမ်းယူနိုင်ခဲ့သည်။ 

နမ့်ကွယ်ကျေးရွာ၌ အောင်ပွဲအထိမ်းအမှတ်မနောပွဲကျင်းပခဲ့သည်။ ထိုအချိန်အထိ Kachin Rangers တပ်မှ ကချင်အမျိုးသား ၂၃၈ ဦးအသက်ဆုံးရှုံးခဲ့ရပြီး Kachin Levies တပ်မှလည်းအများအပြား အသက်ဆုံးရှုံး
ခဲ့ရကြောင်း သိရှိရသည်။ Kachin Levies နှင့် Kachin Rangers တပ်များသည် ကချင်ဒေသနှင့်ရှမ်းပြည်နယ်
်မြောက်ပိုင်းဒေသတလျှောက်တို့မှ တောင်ဘက်သို့ဆုတ်ခွာသောဂျပန်များကို လိုက်လံတိုက်ခိုက်ကြရာ ၁၉၄၅ ခုနှစ်၊ မတ်လ (၁၅)ရက်နေ့တွင် လားရှိုးမြို့ကိုပြန်လည်သိမ်းယူနိုင်ခဲ့ပြီး ရှမ်းပြည်နယ်တောင်ပိုင်း ပင်လုံ၊ ရက်စောက်၊ လွယ်လင်နယ်တို့အထိ လိုက်လံတိုက်ခိုက်ခဲ့သည်ကို သိရှိရသည်။

            (ဂ)       ဗြိတိသျှအစိုးရ ပြန်လည်အုပ်စိုးခြင်း

            ဂျပန်များအားတိုက်ထုတ်နိုင်ပြီးနောက် အင်္ဂလိပ်ကိုလိုနီအစိုးရသည် ကချင်ဒေသအပါအ၀င် မြန်မာနိုင်ငံတစ်ခုလုံးကိုဆင်းမလားစက္ကူဖြူစာတမ်းဟုခေါ်ဆိုသောမြန်မာနိုင်ငံမြေပြန့်ဒေနှင့်တောင်တန်း
ဒေသကိုခွဲခြား၍အုပ်ချုပ်သည့် စီမံချက်ချမှတ်ခဲ့သည်။ မြန်မာနိုင်ငံအားအင်္ဂလိပ်လက်အောက်မှ လွတ်လပ်
ရေးရယူရန် ဗိုလ်ချုပ်အောင်ဆန်းဦးဆောင်ကြိုးပမ်းသော သတင်းများကို ကချင်လူကြီးများကြားသိရသည်
နှင့်အမျှ ကချင်များကလည်း ကချင်ဒေသလွတ်လပ်ရေးရရှိရန် ကချင်လူကြီးများအချင်းချင်း ဆွေးနွေးတိုင်ပင် နည်းလမ်းရှာကြံလာကြသည်။

၂။         ပင်လုံစာချုပ်ဖြစ်ပေါ်လာခြင်းနှင့် ကချင်လူမျိုးများ၏အခန်းကဏ္ဍ

            ၁၉၄၅ ခုနှစ်၊ မတ်လ ၂၄၊ ၂၅၊ ၂၆ (၃)ရက်တိတိ ဗန်းမော်ခရိုင် စိန်လုံတွင် ကချင်တပ်များနှင့် ကချင်လူထုများ၊ ဂျပန်ကို တိုက်ထုတ်နိုင်ခဲ့သည့်အောင်ပွဲ ပဒန်မနောပွဲတော်ကြီးကို ကျင်းပနိုင်ခဲ့ကြသည်။ ရှမ်းပြည်နယ်ရှိ ကချင်အမျိုးသားများကလည်း ဂျပန်ကိုတိုက်ထုတ်နိုင်ခဲ့သော အောင်ပွဲအထိမ်းအမှတ်ပဒန်
်မနောပွဲကို ကွတ်ခိုင်မြို့၌ ကျင်းပခဲ့ကြသည်။ မြစ်ကြီးနားမြို့တွင်မူကား ၁၉၄၆ ခုနှစ်၊ ဇန္န၀ါရီလ (၁၄)ရက်
နေ့မှ (၁၆)ရက်နေ့အထိ (၃)ရက်တိုင်တိုင် ဂျပန်ကိုအောင်နိုင်ခဲ့သော မနောပွဲတော်ကို ကချင်ဒေသအသီး
သီးမှကချင်အမျိုးသားများဆုံဆည်းကြကာ ချမ့်ချမ့်သဲကျင်းပခဲ့ကြသည်။ ထိုမနောပွဲတော်၌ ရှမ်းပြည်နယ်
မြောက်ပိုင်းနှင့် ကချင်ဒေသအသီးသီးမှ ကချင်လူကြီးများ (၁၄)ဦးတို့နှင့် လူထုပရိသတ် အယောက်(၅၀၀၀)
ခန့်ဖြင့် လူထုအစည်းအဝေးကျင်းပခဲ့သည်။ 

ထိုလူထုအစည်းအဝေးကြီးတွင် ကချင်အမျိုးသားများ၏ အနာဂတ်အရေး၊ ကချင်အမျိုးသားများ ဖွံ့ဖြိုးတိုးတက်ရေးတို့နှင့် ပါတ်သက်၍ ဆွေးနွေးဟောပြောခဲ့ကြသည်။ ထိုမနောပွဲတော်တွင် ဗြိတိသျှအစိုးရဘုရင်ခံဆာဒေါ်မန်စမစ်လည်း ရောက်ရှိလာသည်ဖြစ်၍ ကချင်ခေါင်းဆောင်များက ကချင်ဒေသလုံးဝ လွတ်လပ်ရေးပေးရန် တောင်းဆိုခဲ့ကြသည်။

            ၁၉၄၅ ခုနှစ်၊ သြဂုတ်လ (၁၅)ရက်နေ့တွင် ဂျပန်ကလုံးဝလက်နက်ချလိုက်ပြီးဖြစ်၍ ဒုတိယကမ္ဘာစစ်ကြီးပြီးဆုံးသွားပြီဖြစ်ရာ မြန်မာခေါင်းဆောင်ဗိုလ်ချုပ်အောင်ဆန်းကလည်း မြန်မာနိုင်ငံလွတ်လပ်ရေးရရှိရန်အတွက် ဗြိတိသျှအစိုးရသို့ ဆက်ဆံနည်းလမ်းရှာကြံလာသည်။ ထိုအချိန်၌၊ ဖြစ်လာသည်။ ထိုအချိန်၌၊ (Labor Party ) အစိုးရဖြစ်လာပြီး ၀န်ကြီးချုပ်မှာကလီးမင့်ရစ်ချက် အက်တလီဖြစ်လာသည်။ ထိုအချိန်၌ ( Labor Party ) မူဝါဒအသစ်မှာ ကိုလိုနီနယ်ပယ်များကို လွတ်လပ်သောနိုင်ငံထူထောင်ပေးရန်ဖြစ်သည်။ ကချင်ခေါင်းဆောင်များကလည်း ဗြိတိန်နိုင်ငံအစိုးရ၏ မူဝါဒအသစ်ကိုသိရှိ၍ အင်္ဂလိပ်လက်အောက်မှ ကချင်ဒေသလွတ်လပ်ရေးရယူရန် ဆန္ဒပြင်းပြနေကြသည်။ ထိုကဲ့သို့ ကချင်ခေါင်းဆောင်များ ကချင်ဒေသလွတ်လပ်ရေးစိတ်အားထက်သန် နေချိန်တွင် ၁၉၄၆ ခုနှစ်၊ နိုဝင်ဘာလ (၂၈) ရက်နေ့၌ ဗမာအမျိုးသားခေါင်းဆောင် ဗိုလ်ချုပ်အောင်ဆန်းကလည်း မြစ်ကြီးနားမြို့သို့ ရောက်ရှိလာကာ ကချင်ခေါင်းဆောင်များက၀မ်းသာအားရလှိုက်လှဲစွာ ကြိုဆိုခဲ့ကြသည်။ 

ကချင်ခေါင်းဆောင်များနှင့်တွေ့ဆုံဆွေးနွေး သည့်အခါ ဗိုလ်ချုပ်အောင်ဆန်းက-

            (၁)       ဗမာပြည်ကိုလွတ်လပ်တဲ့တိုင်းပြည်ဖြစ်အောင် ကြိုးစားနေပါတယ်။ လွတ်လပ်မှာတော့ အနှေးနှင့်အမြန် သေချာပါတယ်။

            (၂)       ကချင်အမျိုးသားများဟာရိုင်းသေးတယ်ဆိုပြီး ကျွန်တော်တို့နှင့်ခွဲထားတာအနှစ် (၆၀)ကျော်ပြီ၊ ဘာများတိုးတက်မှုရှိသလဲ။

            (၃)       ဗမာနဲ့ပေါင်းရင် တန်းတူရင်ဘောင်တန်းလိုက်နိုင်မယ်။ ခင်ဗျားတို့အပေါ်အင်္ဂလိပ်များ မအုပ်ချုပ်တော့ဘူး။

            (၄)       ခင်ဗျားတို့နယ်ကို ခင်ဗျားတို့အုပ်ချုပ်ရမယ်။

            (၅)       ကိုးကွယ်တဲ့ဘာသာကို ကြိုက်တာကိုးကွယ်နိုင်တယ်။

(၆)  ကချင်တပ်ရင်းသီးခြားဖွဲ့စည်းခွင့်များပေးမည်ဟု ကတိက၀တ်မားပြုခဲ့သည်ကို အင်္ဂလိပ်လက်အောက်မှ လွတ်လပ်ရေး ရယူလိုကြသော ကချင်ခေါင်းဆောင်များက များစွာဝမ်းမြောက်ဝမ်းသာ စိတ်အားထက်သန်ခဲ့ကြသည်။ နိုင်ဝင်ဘာလ (၃၀) ရက်နေ့တွင်  မြစ်ကြီးနားမြို့အထက် မန်ခိန်ကျေးရွာ၌ ဗိုလ်ချုပ်အောင်ဆန်းအား ကချင်ရိုးရာစားဖွယ်သောက်ဖွယ်များဖြင့် တည်ခင်းဧည့်ခံကာ ဗိုလ်ချုပ်အောင်ဆန်းအား အစ်ကိုကြီးအရာတင်ပါကြောင်း အားလုံးအတွက်လမ်းပြအလင်းကြယ်ကြီးအဖြစ် အားကိုပါကြောင်း ကချင်လူကြီးများမှပြောဆိုကာ ကချင်ငွေဓါးလွယ်၊ ကချင်ငွေလွယ်အိတ်၊ ကချင်ခေါင်းပေါင်းတို့ကို ချီးမြှင့်ခဲ့သည်။ ဤလက်ဆောင်ပစ္စည်းများကို ရန်ကုန်မြို့တာဝါလိမ်းလမ်းရှိ ဗိုလ်ချုပ်ပြတိုက်တွင် ပြသထားလျက်ရှိသည်။

            ဗိုလ်ချုပ်အောင်၏ရိုသားပွင့်လင်းမှုနှင့် ကချင်အမျိုးသားများအပေါ် စေတနာထားသည့် စကားများကို ကချင်ခေါင်းဆောင်များက ယုံကြည်သဖြင့် လွတ်လပ်သည့်ကချင်နိုင်ငံထူထောင်ရေးကို စွန့်လွှတ်ပြီး ဗမာအမျိုးသားများနှင့် အတူတကွလွတ်လပ်ရေးကိုရယူရန် ပြည်ထောင်စုမြန်မာနိုင်ငံထူထောင်ကြ၍  ကိုယ့်ကြမ္မာကိုယ်ဖန်တီးခွင့်ရှိသော ကချင်ပြည်နယ်ထူထောင်ရန်ဆိုသည်ကို ဦးတည်ခဲ့ကြသည်။

            အထက်ပါကဲ့သို့ ဗိုလ်ချုပ်အောင်ဆန်းမှ ကချင်ခေါင်းဆောင်များအား ဗမာပြည်နှင့်အတူ လွတ်လပ်ရေးရယူရန် စည်းရုံးပြောဆိုဆွေးနွေးပြီး နောက်ရက်မှာပင် (၁၉၄၆ ခုနှစ်၊ ဒီဇင်ဘာလ ၂၊၃ ရက်) ဗြိတိသျှအစိုးရ ( Director of Frontier Areas Administration ) H.N.C Stevenson မြစ်ကြီးနားသို့ရောက်ရှိလာပြီး ကချင်ခေါင်းဆောင်များအား ကချင်ပြည်နယ်သီးခြားဖြစ်မှ ကချင်လူမျိုးများ ကြီးပွားနိုင်မည်ဖြစ်၍ ကချင်ပြည်နယ်သတ်မှတ်ပြီး မြန်မာပြည်နှင့်ခွဲခြားအုပ်ချုပ်ရန် ဗြိတိသျှအစိုးရသို့ တင်ပြထားကြောင်း၊ ဗြိတိသျှအစိုးရက တောင်တန်းဒေသအုပ်ချုပ်ရေးအောင်တွင် ဆက်လက်ရှိနေလျှင် ကချင်ပြည်နယ်သတ်မှတ်ပေးမည်ဖြစ်ကြောင်း၊ သို့သော ဗမာတို့က ကချင်တို့ သည်ဗမာနှင့်ခွဲ

နေလိုသူများမဟုတ်ဟု ကန့်ကွက်ပြောဆိုနေသဖြင့် ဗြိတိသျှအစိုးကစီမံမပေးသေးခြင်းဖြစ်ကြောင်း၊ ဂျိန်းဖေါ့အမျိုးသားတို့က ပြည်နယ်သီးခြားရလိုကြောင်းနှင့် တောင်တန်းဒေသအုပ်ချုပ်ရေးအောက်တွင် နေလိုကြောင်းကို သက်သေအဖြစ်လိုက်ပါလာသော ဗြိတိသျှပါလီမန်အထူးကိုယ်စားလှယ်၏ရှေ့မှောက်တွင် တစ်သံတည်းထွက်ရန်လိုကြောင်း၊ ကချင်အမျိုးသားများသည် လွတ်လပ်ရေးနှင့် မထိုက်သန်သေး၍ တောင်းတန်းဒေသအုပ်ချုပ်ရေးအောက်တွင် နေသင့်ကြောင်း၊ (၅)နှစ်အတွင်း ကချင်တို့ကို ဗမာတို့နှင့် တန်းတူပညာတတ်စေရန် ဗြိတိသျှအစိုးရကစီမံကိန်းများ ရေးဆွဲထားကြောင်း၊ ဗြိတိသျှလက်အောက်မှလွတ်

မြောက်သွားလျှင် လူဦးရေများသည့်ဗမာတို့က လူဦးရေနည်းသည့်ကချင်တို့ကိုမျိုသွားလိမ့်မည်ဟူ၍  ဗမာများနှင့်အတူလွတ်လပ်ရေးမယူရန် လာရောက်စည်းရုံးပြောဆိုခဲ့သည်ကို ကချင်ခေါင်းဆောင်များမှ လက်မခံဘဲ ဗမာပြည်နှင့်အတူလွတ်လပ်ရေးရယူ၍ ပြည်ထောင်စုတည်ဆောက်ရေးဘက်သို့ ဦးတည်ခဲ့ကြသည်။

            ထိုအစည်းအဝေးများတွင် ဖဆပလ ခေါင်းဆောင် ဗိုလ်ချုပ်အောင်ဆန်းနှင့် ကချင်ခေါင်းဆောင်များဘက်တွင် ဆမားဒူဝါဆင်ဝါးနောင်နှင့် ကချင်အမျိုးသားခေါင်းဆောင်များ (၃၀)ဦးတို့ပါဝင်ခဲ့ပြီး အကြိမ်ကြိမ်ဆွေးနွေးခဲ့ကြသည်။ ၁၉၄၇ ခုနှစ်၊ ဇန္န၀ါရီလတွင် ၀န်ကြီးချုပ်အက်တလီက ဗိုလ်ချုပ်အောင်ဆန်းကို အင်္ဂလန်သို့ခေါ်ယူခဲ့ပြီး မြန်မာပြည်ကို လွတ်လပ်ရေးပေးရန်အတွက်ဆွေးနွေးကြ

ကာ အောင်ဆန်းအက်တလီသဘော တူစာချုပ်ကို ချုပ်ဆိုလက်မှတ်ရေးထိုးခဲ့ကြသည်။ ထိုစာချုပ်၏ အပိုဒ်(၆)တွင် ``မြန်မာပြည်နှင့်တောင်တန်းဒေသများကို တပေါင်းတည်းလွတ်လပ်ရေးပေးရန်အတွက် တောင်တန်းဒေသများ၏ဆန္ဒရယူရမည်``ဟူသောအချက်တစ်ချက်ပါရှိပါသည်။ 

ထိုသို့အင်္ဂလိပ် လက်အောက်တွင် ဆက်နေလိုမနေလိုမှာ အောင်ဆန်းအက်တလီသဘောတူစာချုပ် အပိုဒ်(၆)အရ စုံစမ်းရေးကော်မရှင်၏ရှေ့မှောက်တွင် ပြောဆိုရမည်ဖြစ်ပါသည်။ ဤကိစ္စနှင့်ပါတ်သက်၍ ၁၉၄၇ ခုနှစ်၊ ဖေဖေါ်ဝါရီလတွင် မြစ်ကြီးနားအရေးပိုင်က ၅-၂-၁၉၄၇ ရက်နေ့တွင် ပင်လုံ၌အစည်းအဝေးရှိမည်ဖြစ်သည့်အတွက် ကချင်ကိုယ်စားလှယ်များကို ရွေးချယ်ထားရန် ဒူဝါဇော်ရစ်ကိုအကြောင်းကြားလာသဖြင့် ၂၉-၁-၁၉၄၇ ရက်နေ့တွင် အဖွဲ့ဝင် (၈)ယောက်ပါဝင်သော ကချင်ကိုယ်စားလှယ်အဖွဲ့ကို ရွေးချယ်ခဲ့သည်။ ထိုကိုယ်စားလှယ်အဖွဲ့သည် အောက်ပါအချက်များပါဝင်သော သဘောတူဆုံးဖြတ်ချက်ကို ပင်လုံညီလာခံသို့ ယူဆောင်သွားခဲ့ကြသည်။

ယင်းအချက်တို့မှာ

            (၁)       ဗမာနှင့်အတူ လွတ်လပ်ရေးရယူရန်

            (၂)       လွတ်လပ်ရေးရပြီးနောက် ကချင်များလိုချင်သော ကချင်ပြည်နယ်ကိုသတ်မှတ်ယူရန်

            (၃)       ယင်းကချင်ပြည်နယ်တွင် မြစ်ကြီးနားခရိုင်နှင့်ဗန်းမော်ခရိုင်များပါဝင်ရန်

            (၄)       ကချင်နှင့်ဗမာ နှစ်ဦးနှစ်ဘက်သဘောတူညီချက်အရ ကချင်ပြည်နယ်၏နယ်နိမိတ်ကို သတ်မှတ်ရန်

(၅)  ကချင်များရရှိခံစားထိုက်သော အခွင့်အရေးရရှိအောင် တောင်တန်းဒေသအုပ်ချုပ်ရေးဆိုင်ရာ အခွင့်အာဏာအားလုံးကို လွဲပြောင်းရယူပြီး လွတ်လပ်ရေးမရရှိမှီဖွဲ့စည်းထားသော မြန်မာနိုင်ငံအစိုးရအဖွဲ့တွင် ၀န်ကြီးတစ်နေရာရရှိရန်အတွက် ကိုယ်စားလှယ်တစ်ဦးပါဝင်ရန်-

       (က)    ကချင်ဝန်ကြီးသည် ပေါ်ထွန်းလာမည့်ကချင်ပြည်နယ်၏အုပ်ချုပ်ရေးကို တာဝန်ယူရန်၊

       (ခ)     နိုင်ငံခြားနှင့်မြန်မာနိုင်ငံအစိုးရတို့၏ ဆက်သွယ်ဆက်ဆံရေးဆွေးနွေးပွဲများတွင် ပါဝင်ဆွေးနွေးခွင့်ရှိရန်၊

       (ဂ)     မြန်မာနိုင်ငံကာကွယ်ရေးဝန်ကြီးကို အကြံဥာဏ်ပေးနိုင်ရန်အတွက် ကချင်ကိုယ်စားလှယ်တစ်ဦး ထားရှိပေရန်။

(၆)  မြန်မာနိုင်ငံ၏ဖွဲ့စည်းအုပ်ချုပ်ပုံအခြေခံဥပဒေရေးဆွဲရာတွင် ကချင်နှင့် ရှမ်းကိုယ်စားလှယ်များ ပါဝင်ရန်။

(၇)  မြန်မာနိုင်ငံလွတ်လပ်ရေးရပြီးနောက် ကချင်ပြည်နယ်အပါအ၀င်ဖြစ်သော ပြည်ထောင်စုမြန်မာနိုင်ငံအစိုးရကို အတူတကွဖွဲ့စည်းရန်။

            (၈)       ကချင်ပြည်နယ်ဖွံ့ဖြိုးတိုးတက်ရေးအတွက် ပြည်ထောင်စုအစိုးရမှ ငွေကြေးထောက်ပံ့ပေးရန်။

(၉)  အထက်ပါအချက်အလက်များကို အခြားတောင်တန်းဒေသများလည်း သဘောတူလက်ခံလာအောင် ရှင်းလင်းပြရန်တို့ဖြစ်ပါသည်။

 ကချင်ကိုယ်စားလှယ်များ ပင်လုံသို့ရောက်ရှိချိန်တွင် ရှမ်းစော်ဘွားများက ဗမာများနှင့်အတူ လွတ်လပ်ရေးမယူဘဲ တောင်တန်း

ဒေသအုပ်ချုပ်ရေးအောက်တွင်နေရန် သဘောတူဆုံးဖြတ်ထားကြောင်းရှင်းပြကြသည်။ ထို့ကြောင့် ၅-၂-၁၉၄၇ ရက်နေ့တွင်ကျင်းပသည့် ရှမ်းနှင့် ကချင်အစည်းအဝေးတွင် ကချင်ကိုယ်စားလှယ်များက ၄င်းတို့မှာ(၁) ဗမာနှင့်အတူ လွတ်လပ်ရေးရယူရေး၊ (၂) လွတ်လပ်ရေးရယူပြီးနောက် ရှမ်း၊ ကချင် ပြည်နယ်များသတ်မှတ်ယူပြီး မိမိပြည်နယ်ကို မိမိကိုယ်တိုင်အုပ်ချုပ်ရန်၊ (၃) ရှမ်းပြည်နယ်နှင့်ကချင် ပြည်နယ်ပါဝင်သည့် ပြည်ထောင်စုမြန်မာနိုင်ငံထူထောင်ရန် တို့ဖြစ်ပါသည်။ ထိုအခါ ရှမ်းစော်ဘွားများက ၄င်းတို့အချင်းချင်း ထပ်မံညှိနှိုင်းကြမည်ဆိုသဖြင့် ထိုနေ့အစည်းအဝေးလည်း ရပ်နားခဲ့သည်။ အစည်းအဝေးကို ၆-၂-၁၉၄၇ ရက်နေ့တွင် ဆက်လက်ကျင်းပရာ ရှမ်းစော်ဘွားများ၊ ရှမ်းပြည်နယ်လွတ်လပ်ရေး လူငယ်အဖွဲ့ခေါင်းဆောင်များနှင့် ကချင်ကိုယ်စားလှယ်များပါဝင်ကြ၍ ရှမ်းခေါင်ဆောင်များကလည်း ဗမာများနှင့်အတူလွတ်လပ်ရေးရယူပြီး ပြည်ထောင်စုဖွဲ့စည်းရန် သဘောတူလက်ခံကြသည်။ ထိုအစည်းအဝေးတွင် အောက်ပါအချက် (၅)ချက်ကို သဘောတူဆုံးဖြတ်ခဲ့ကြသည်။

            (၁)       ဗမာများနှင့်အတူ လွတ်လပ်ရေးရယူရန်။

            (၂)       မြန်မာနိုင်ငံအစိုးရအဖွဲ့တွင် ရှမ်းနှင့်ကချင် ကိုယ်စားလှယ်တစ်ဦးပါဝင်ကြပြီး ယင်းပုဂိုလ်များသည် မိမိတို့ပြည်နယ်၏အုပ်ချုပ်ရေးကို တာဝန်ယူရန်နှင့် မြန်မာနိုင်ငံအစိုးရသည် နိုင်ငံခြားရေးနှင့်ကာ ကွယ်ရေးများကိုတာဝန်ယူရန်။      

    (၃) ကချင်ကိုယ်စားလှယ်များတောင်းခံသည့်တိုင်း ကချင်ပြည်နယ်သတ်မှတ်ပေးရေးကို သဘောတူထောက်ခံသည်။

    (၄) မြန်မာကိုယ်စားလှယ်အဖွဲ့နှင့်ဗြိတိသျှအစိုးရတို့၏ သဘောတူညီချက်များသည် ရှမ်း၊ ကချင် တို့နှင့်မသက်ဆိုင်ရန်။

    (၅) လွတ်လပ်ရေးရယူပြီးနောက် ကချင်နှင့် ရှမ်း သည် ပြည်ထောင်စုခွဲထွက်လိုက ခွဲထွက်ပိုင်ခွင့်ရှိရန်တို့ဖြစ်ပါသည်။

            ၆.၂.၁၉၄၇ ရက်နေ့ ညနေပိုင်းတွင် ချင်းကိုယ်စားလှယ်များသည် ပင်လုံသို့ ရောက်ရှိလာသဖြင့် အထက်ပါအချက်များကိုရှင်းပြရာ ချင်း ကိုယ်စားလှယ်များက သဘောမတူနိုင်စရာအကြောင်းမရှိကြောင်းပြန်ကြားခဲ့သဖြင့် ၇.၂.၁၉၄၇ ရက်နေ့တွင် ရှမ်း၊ ကချင်၊ ချင်းတို့စည်းဝေးဆက်လက်ကျင်းပရာ အောက်ပါအချက်သုံးချက်ကို သဘောတူ ဆုံးဖြတ်ခဲ့သည်။ ၎င်းတို့မှာ -

            (၁) မြန်မာများနှင့် ပူးပေါင်းဆောင်ရွက်ခြင်းအားဖြင့် ရှမ်း၊ ကချင်နှင့် ချင်းလူမျိုးတို့၏ လွတ်လပ်ရေးသည် ပိုမိုလျင်မြန်စွာရရှိလိမ့်မည်ဟုယုံကြည်ကြောင်း၊

            (၂)                   ဒီမိုကရေစီစနစ်အရမြန်မာလူမျိုးတို့ရရှိခံစားနေသည့် အဆင့်အတန်း၊ အခွင့်အရေးများနှင့် အကျိုးစီးပွါးများကဲ့သို့ ရှမ်း၊ ကချင်၊ ချင်းတို့လည်းခံစားရန်လိုကြောင်း၊

            (၃) ရှမ်း၊ ကချင်နှင့် ချင်း အမူဆောင်ဝန်ကြီးများသည် မိမိတို့နှင့်သက်ဆိုင်ရာပြည်နယ်အရေး ကိစ္စအ၀၀တို့တွင် မိမိတို့သာလျှင်တာဝန်ခံ၍ အများနှင့်သက်ဆိုင်ရာကိစ္စများ ကာကွယ်ရေး၊ နိုင်ငံခြားဆက်သွယ်ရေး၊ မီးရထား၊ ဆိပ်ကန်းခွန်စသည်တို့ကို မြန်မာများနှင့်ပူးပေါင်းတာဝန်ခံလိုကြောင်း၊ ဟူသောဆုံးဖြတ်ချက်ကို ချမှတ်ခဲ့ပြီး အစည်းအဝေးဥက္ကဋ္ဌဖြစ်သူ တောင်ပိုင်စော်ဘွားစောပန်းစိန်က အသံလွင်းရုံသို့ သံကြိုးရိုက်အကြောင်းကြားကာ ကြေညာစေသည်။

            ထို့ကြောင့် ဗိုလ်ချုပ်အောင်ဆန်းသည် ဦးတင်ထွဋ်၊ ဆာမောင်ကြီး၊ ဦးအောင်ဇံဝေ၊ ဗိုလ်ခင်မောင်လေး၊ ဗိုလ်သိမ်းဆွေ၊ ဦးဖေခင် သခင်ဘတင်တို့နှင့် အစည်းအဝေးတက်ရောက်ရန် ဖေဖော်ဝါရီလ(၈) ရက်နေ့တွင် ပင်လုံသို့တက်ရောက်လာရာ ညပိုင်းတွင် ပင်လုံသို့ရောက်ရှိခဲ့သည်။ ပင်လုံညီလာခံကြီးတွင် ဗိုလ်ချုပ်အောင်ဆန်းက တောင်တန်းဒေသကိုယ်စားလှယ်များနှင့် (၃)ရက်ခန့် ပွင့်ပွင့်လင်းလင်း ဆွေးနွေးပြီးနောက် ပင်လုံသို့ရောက်ခြင်းအကြောင်းရင်းကို အောက်ပါအတိုင်းပြောကြားခဲ့သည်။

“ပထမမှာ မြန်မာပြည်ရှိလူမျိုးများ ညီညွတ်ရေးအတွက် ဖြစ်၍ အခြားတစ်ကြောင်းမှာ လန်ဒန်ဆွေးနွေးပွဲကိစ္စရှင်းပြရန်ဖြစ်ကြောင်း၊ မြန်မာပြည်လွတ်လပ်ရေးမှာ ပြီဟုဆိုနိုင်ကြောင်း၊ ယခုကျန်ရှိနေသော ပြဿနာမှာ တောင်တန်းနယ်ကိစ္စပင်ဖြစ်ကြောင်း၊ တောင်တန်းလူမျိုးများသာ အုပ်ချုပ်စိုးမိုးခြင်းကို မြန်မာများက ကြိုက်ကြောင်း၊ မြန်မာပြည်လွတ်လပ်ရေးရသည်နှင့် တောင်တန်းနယ်လွတ်လပ်ရေးရမည်ဟုမြန်မာများကလိုလားကြောင်း၊ မြန်မာများသည် တောင်တန်းဒေအတွက်ပြောဆိုခြင်းမှာ အုပ်ချုပ်စိုးမိုးလို၍မဟုတ်၊ တောင်တန်းနယ်များသည် မြန်မာများနှင့်အတူ တောင်တန်းသားများ ဗြိတိသျှကျွန်မဖြစ်စေလိုကြောင်း၊ ထို့ပြင်တောင်တန်းသားများသည်လည်း မြန်မာ့ ကျွန်မဖြစ်စေလိုကြောင်း၊ တောင်တန်းနယ် အုပ်ချုပ်ရေးမှာ ကောင်စီ၏လက်ထဲမှာရှိမည်ဖြစ်ပြီး ထိုကောင်စီတွင်တောင်တန်းနယ်မှ ကိုယ်စားလှယ်တစ်ဦးရှိလိမ့်မည်ဖြစ်၍ ထိုသူ၏လက်ထဲတွင် တောင်တန်းနယ်မှ ကိုယ်စားလှယ်တစ်ဦးရှိလိမ့်မည်ဖြစ်၍ ထိုသူ၏လက်ထဲတွင်တောင်တန်းနယ်အုပ်ချုပ်ရေးရှိမည်ြ့ဖစ်ကြောင်း၊ လူဖြူဖြစ်စေ၊ လူမဲဖြစ်စေ မည်သူ့ကိုမဆိုမကြောက်မရွံ့နှင့်ခြောက်လျှင်လည်းမကြောက်ကြနှင့်၊ ချော့လျှင်လည်းမပျော့ကြနှင့်၊ တောင်တန်းလူမျိုးများသည် မြန်မာပြည်ကဲ့သို့သောအဆင့်အတန်းလိုချင်သည်ဟု ပြောရမည်ဖြစ်ကြောင်း၊ ဒါကိုယနေ့ပြောလိုက်လျှင် နက်ဖြန်အဆွေတော်တို့လွတ်လပ်ရေးရမည်ဖြစ်ကြောင်း၊ ဗမာက တစ်မျိုး၊ ကရင်ကတစ်ဖုံ၊ ရှမ်း၊ ကချင်၊ ချင်းတို့က တစ်ခြားအကွဲကွဲ အပြားပြားဖြစ်နေရင်အကျိုးရှိမှာ မဟုတ်ဘူး၊ စုပေါင်းလုပ်ကြမှသာ အကျိုးရှိနိုင်မယ်၊ လုပ်ကြည့်မှလဲအကျိုးရှိကြောင်းသိနိုင်တယ်” လွတ်လပ်ရေးရပြီးလျှင်ခွဲထွက်လိုကခွဲထွက်ခွင့်ပြုရန်ကိစ္စနှင့်ပတ်သက်၍ မပေါင်းခင်ခွဲထွက်ရေးကိစ္စပြောနေခြင်းမှာ မလျော်ကန်ကြောင်း ယင်းကိစ္စသည် မြန်မာနိုင်ငံ၏အနာဂတ်အရေးအတွက်လွန်စွာအရေးကြီးသဖြင့် တိုင်းပြုပြည်ပြုလွှတ်တော်၌ စဉ်းစားရန်သာဖြစ်ကြောင်း၊ ကချင်ပြည်နယ်ကို ကချင်များကသာအုပ်ချုပ်ရမည်ဖြစ်ကြောင်း၊ မြန်မာများက ကချင်များကို စိုးမိုးမည်မဟုတ်ကြောင်း၊ ကချင်တောင်တန်းနယ်ကို ကချင်သဘောကျ အုပ်ချုပ်နိုင်ကြောင်း၊ တိုင်းရင်းသားလူနည်းစုများသည် သူတို့အခွင့်အရေး၊ လူမျိုးစရိုက် ထုံးစံအခွင့်အရေး၊ ယဉ်ကျေးမှူ့ပြဌါန်းခွင့်မထိခိုက်စေဘဲ လွတ်လပ်စွာဆက်ဆံနိုင်ရေးနှင့် ဥပဒေပြုအဖွဲ့တွင် ထိုက်သင့်သော ကိုယ်စားလှယ်ဦးရေပါဝင်ရေးများ ရရှိစေမည် ဖြစ်ကြောင်း ဗိုလ်ချုပ်အောင်ဆန်း၏ရိုးသားပွင့်လင်းစွာပြောကြားမှု့နှင့် ကချင်လူထုအပေါ်စေတနာထားမှု့ကြောင့် လွတ်လပ်ရေး ရပြီးနောက် ကချင်နိုင်ငံတည်ထောင်ရေးကို စွန့်လွှတ်၍ လွတ်လပ်အရယူပြီးနောက် ပြည်ထောင်စု မြန်မာနိုင်ငံအတွင်း ကိုယ့်ကြမ္မာကိုယ်ဖန်တီးခွင့်ရှိသည့် ကချင်ပြည်နယ်ထူထောင်ရေးကို ဦးတည်ခဲ့ကာ ရှမ်း၊ ကချင်၊ ချင်းတို့က ၁၂-၂-၁၉၄၇ ခုနှစ်တွင် ပင်လုံသဘောတူစာချုပ်ကို လက်မှတ်ထိုးခဲ့ကြခြင်းဖြစ်ပါသည်။ ယင်းပင်လုံစာချုပ်တွင် အချက် (၉)ချက် ပါရှိရာ အရေးကြီးသည့် အချက်ဖြစ်သော အချက် (၅)၊(၆)၊ (၇) တို့ကိုဖော်ပြအပ်ပါသည်။ ယင်းအချက်များမှာ -

            (၅) အထက်ပါသဘောတူညီချက်အရ ဘုရင်ခံ၏အမူဆောင်ကောင်စီကိုတိုးချဲ့မည်ဖြစ်သော်လည်း တောင်တန်းဒေသများ၏ နယ်တွင်းအုပ်ချုပ်ရေးတွင် ယခုရရှိခံစားလျှက်ရှိသော ကိုယ်ပိုင်အုပ်ချုပ်ရေးဆုံးပါးရန် မည်သည့်ဒေသတွင်မဆို လုံးဝခွင့်ပြုလိမ့်မည်မဟုတ်၊ တောင်တန်းဒေသများအတွက် နယ်တွင်းအုပ်ချုပ်ရေးတွင်ကိုယ်ပိုင်ပြဌါန်းခွင့်အပြည့်အ၀ရှိကြောင်း မူအားဖြင့်လက်ခံသည်။

            (၆) မြန်မာပြည်ထောင်စုအတွင်း ကချင်ပြည်နယ်အတွက် နယ်ခြားသတ်မှတ်ရေးနှင့် ကချင်ပြည်နယ်တည်ထောင်ရေးကို တိုင်းပြုပြည်ပြုလွှတ်တော်သို့ တင်ပြဆုံးဖြတ်စေရမည်ဖြစ်သော်လည်း ထိုကဲ့သို့သောပြည်နယ်မှာလိုအပ်သည်ဟု သဘောတူလက်ခံကြသည်။ ဤရည်ရွယ်ချက်ကို ပထမအဆင့် အကောင်အထည်ဖော်သည့်အနေဖြင့် ၁၉၃၅ ခုနှစ် မြန်မာနိုင်ငံအစိုးရ အက်ဥပဒေအရ အပိုင်း(၂) ခြွင်းချန်ဒေသများကို အုပ်ချုပ်သည့်နည်းတူ မြစ်ကြီးနားနှင့်ဗန်းမော်ခရိုင်ဒေသတွင်းရှိ ဒေသများအုပ်ချုပ်ရေး

နှင့်ပတ်သက်၍လည်းတောင်တန်းဒေသအတိုင်ပင်ခံဝန်ကြီးနှင့်တွဲဘက်အတိုင်ပင်ခံတို့

ကိုတိုင်ပင်ဆွေးနွေးရမည်။

            (၇) တောင်တန်းဒေသရှိပြည်သူတို့သည် ဒီမိုကရေစီတိုင်းပြည်များတွင် အခြေခဲအခွင့်အရေးနှင့်ရပိုင်ခွင့်များဟု သတ်မှတ်ထားသည့်အခွင့်အရေးများနှင့်ရပိုင်ခွင့်များကို ရရှိခံစားစေရမည်။

                        ဤနေရာတွင် အလျင်းသင့်တင်ပြလိုသည်မှာ ကချင်များက ကချင်ပြည်နယ်ကို မြစ်ကြီးနားခရိုင်နှင့်ဗန်းမော်ခရိုင်တို့ဖြင့်ဖွဲ့စည်းခွင့်ပြုမှသာလျှင် မြန်မာများနှင့်အတူလွတ်လပ်ရေးယူမည်ဟုတောင်းဆိုလာသည်ကို ရှမ်းခေါင်းဆောင်များဖြစ်ကြသည့် ဦးဘိုးထီ၊ ဦးဘိုးရင်တို့က ကချင်လက်အောက်တွင်နေလိုကြောင်း ကန့်ကွက်ကြသဖြင့် ဦးနုက ယခုအချိန်ဟာလွတ်လပ်ရေးရဖို့ အရေးကြီးနေကြောင်း၊ ကချင်များလက်အောက်တွင် မနေလိုက ကြိုက်ရာနေရာကိုရွေးချယ်နိုင်ကြောင်း၊ မြန်မာပြည်တွက်လစ်လပ်သည့်နေရာအများအပြားရှိကြောင်း၊ ကြိုက်သည့်နေရာတွင် နေရာချထားပေးမည်ဖြစ်ကြောင်း၊ ပြောလိုက်သည့်အခါမှ ဒီလိုဆိုရင်ပြီးရော ကချင်နှင့်အတူနေမယ်ဆိုပြီး ပြေလည်သွားခဲ့ကြောင်း၊ သို့ရာတွင် ဦးနုသည် ကချင်များကို အသားလွတ်လိုက်လျောခဲ့ခြင်းမဟုတ်ဘဲ ကချင်တွေထံက ကတိတစ်ခုကိုတောင်းခဲ့ကြောင်း၊ ယင်းမှာ ကချင်တို့လိုလားချက်ကို လိုက်လျောမည်ဖြစ်ကြောင်း၊ သို့ရာတွင် ကချင်သည် မည်သည့်အခါမှ ခွဲထွက်ခွင့်မရှိဘဲ မြန်မာနှင့်ရာသက်ပန်ပြည်ထောင်စုအဖြစ် ပူးပေါင်းနေထိုင်သွားမည်ဆိုသည့် ကတိပြင်ဖြစ်ကြောင်း၊ ဦးနု၏တောင်းဆိုချက်ကို ကချင်ကလည်းလှိုက်လှဲစွာလက်ခံခဲ့ကြကာ ၁၉၄၇ခုနှစ်၊ ဖွဲ့စည်းအုပ်ချုပ်ပုံအခြေခံဥပဒေတွင်လည်း ကချင်ပြည်နယ်ခွဲထွက်ပိုင်ခွင့်မထည့်သွင်းထားခြင်းဖြစ်

ကြောင်းသိရှိရပါသည်။ ဤသည်မှာ မြန်မာနိုင်ငံလွတ်လပ်ရေးမတိုင်မီကတည်းက ကချင်များသည် ပြည်ထောင်စုစိတ်ဓါတ် အပြည့်အ၀ရှိကြောင်း ဖော်ပြသည့်သာဓက တစ်ခုဖြစ်သည်ဟုဆိုနိုင်ပါသည်။

၃။ ကချင်အမျိုးသားများနိုင်ငံတော်အပေါ်သစ္စာစောင့်သိမှူု့

            ကချင်တိုင်းရင်းသားများသည် မိမိတို့၏နေရပ်ဒေသ၊ မိမိတို့၏နိုင်ငံတော်ကို အထူးပင်ချစ်မြတ်နိုးတန်ဖိုးထားတတ်သောအမျိုးသားများဖြစ်သည်။ ထို့ကြောင့်လည်း၊ မိမိတို့၏နေရပ်ဒေသသို့ကျုးကျော်ဝင်ရောက်လာသည့် အင်္ဂလိပ်တို့အားသော်လည်းကောင်း၊ ဂျပန်တို့အားသော်လည်းကောင်း၊ အသက်ပေါင်းမြောက်မြားစွာစွန့်လွှတ်၍ ကာကွယ်တိုက်ခိုက်ခံကြခြင်းဖြစ်သည်။ ထို့အတူပင် လွတ်လပ်ရေးရခါစ ပြည်ထောင်စုမြန်မာနိုင်ငံအား ကာကွယ်စောင့်ရှောက်ကြရာတွင်လည်း ကချင်အမျိုးသားများတို့သည် အသက်စွန့်လွှတ်၍ အမျိုးစုံသော ရန်သူများကို တိုက်ခိုက်ခဲ့ကြသည်။

            ၁၉၄၈ ခုနှစ်အင်္ဂလိပ်လက်အောက်မှ လွတ်လပ်ရေးရခါစမှာပင် ပြည်ထောင်စုမြန်မာနိုင်ငံအတွင်း ရောင်စုံသူပုန်ပေါ်ပေါက်ခဲ့သည်ဖြစ်ရာ ထိုအချိန်ကာလ၌ရှိနေသော ကချင်တပ်များဖြင့် ပါဝင်တိုက်ခိုက်ကာ နိုင်ငံတော်အားကာကွယ်စောင့်ရှောက်ခဲ့သည်။ ၁၉၄၈ ခုနှစ်၊ နိုဝင်ဘာလ (၂၃) ရက်နေ့တွင် ကချင်ပြည်နယ်ဥက္ကဌ ဆမားဒူဝါဆင်ဝါးနောင်၏ ပါလီမန်အတွင်းဝန် ဦးလဘန်လဂရောင်ထံသို့ ကရင်အမျိုးသားတော်လှန်ရေးအဖွဲ့ KNU အတွင်းရေးမှူး ဆရာသာထိုး၊ ပါလီမန်အမတ် စောမောင်ဒေါက်တို့လာရောက်တွေ့ဆုံခဲ့ကြသည်။ နောက်နေ့နိုဝင်ဘာ (၂၄) ရက်၌၊ ရန်ကုန်မြိ်ု့ ရှိကရင်သဟာယကလပ်သို့ လာရောက်ရန်ဖိတ်ကြားထားသဖြင့် သွားရောက်ရာ၊ ထိုနေ့တွင် KNDO ဥက္ကဌ မန်းဘဇံ၊ ဆရာသာထိုး၊ စောဟန်သာမွှေးတို့နှင့်တွေ့ဆုံသည်။ KNDO သည် နိုင်ငံတော်အာဏာ သိမ်းယူမည်ဖြစ်ကြောင်း၊ ကချင်များက ပါဝင်ကူညီရန်လိုလားကြောင်းပြောဆိုစည်းရုံးကြသည်။

            ၀န်ကြီးချုပ်ဦးနုကလည်း၊ ဗိုလ်နေ၀င်းနှင့် ဗိုလ်အောင်ကြီးကို ချက်ချင်းခေါ်ယူပြီး ၁၉၄၇ ခုနှစ်၊ ဇန္န၀ါရီလ (၃၁) ရက်ထက်နောက်မကျစေဘဲ လိုသမျှတပ်များကို ဖွဲ့စည်းရန်ညွှန်ကြားခဲ့သည်။ ထို့အပြင်၊ ချက်ခြင်းပင် ကချင်ပြည်နယ် ဥက္ကဌ ဖြစ်သော ဆမားဒူဝါဆင်ဝါးနောင်ကို နိုင်ငံတော်ကာကွယ်ရေးဌါန၀န်ကြီးခန့်အပ်လိုက်ပြီး၊ ဆမားဒူဝါဆင်ဝါးနောင်ကလည်း ကချင်တပ်များအားလုံးကိုခေါ်ယူစုစည်းလိုက်ပြီး တိုက်ခိုက်နှိမ်နှင်းခဲ့သည်။

            ၁၉၄၉ ခုနှစ်၊ တရုတ်ကွန်မြူနစ်ပါတီက တရုတ်ပြည်ကို စိုးမိုးသည့်အချိန်၌ တရုတ်ဖြူချန်ကေရှိတ် ကေအမ်တီတပ်မများနှင့်နောက်လိုက် တရုတ်များ၊ ကချင်ပြည်နယ်နှင့်ရှမ်းပြည်နယ်မြောက်ပိုင်းမှ ကချင်ဒူဝါများအုပ်ချုပ်သော တိုက်နယ်(၄၉) ခုမှ ကချင်ဒူဝါများ၏လုံခြုံရေးတပ်များနှင့် လူထုများမှ

တရုတ်ဖြူကေအမ်တီတပ်များကို တိုက်ထုတ်ခဲ့ကြသည်။တရုတ်ဖြူကေအမ်တီတပ်များသည်

နောက်ဆုံးထိုင်းနိုင်ငံသို့ခိုလှုံသွားရသည်အထိ၊ နိုင်ငံအတွင်းမှ တိုက်ထုတ်ခဲ့ကြသည်။

            တစ်ဖန် ၁၉၄၉ ခုနှစ်တွင်ပင် ကရင် KNDOတော်လှန်ရေးနှင့်အဆက်အစပ်ရှိသော နော်ဆိုင်းဦးစီးသည့်ကချင်တပ်ဖွဲ့များသည် ကချင်ပြည်နယ်တွင်အခြေခံယူရန်မြန်မာပြည်တောင်ဘက်မှ တက်လာသည်ကို၊ ရှမ်းပြည်နယ်မြောက်ပိုင်း ကချင်ဒေသမှ ကချင်လူကြီးများ၊ ကချင်ပြည်နယ်မှ ကချင်

လူကြီးများအားလုံးတို့က လက်မခံ၊ တားဆီးကန့်ကွက်ထားခဲ့ကြသောကြောင့် နော်ဆိုင်းတို့တပ်ဖွဲ့(၃၄၇) ဦးတို့သည် တရုတ်ပြည်အတွင်းသို့ ၀င်ရောက်ခိုလှုံသွားခဲ့သည်။ ပြည်ထောင်စုကြီးအား ဘေးအန္တရာယ်ဖြစ်

်စေခြင်းမျိုးမှ ကာကွယ်ခဲ့ကြခြင်းဖြစ်သည်။ 

            ကမ္ဘာကြီင်္းတစ်ခုလုံးတွင် ကွန်မြူနစ်အင်အားကြီးစိုးသောခေတ်ကာလတွင်လည်း ကချင် တိုင်းရင်းသားများတို့က ပြည်ထောင်စုကြီးတည်တံ့ရေးအတွက် ရပ်တည်လုပ်ဆောင်ခဲ့သည့်သာဓကတစ်ချို့ကိုလည်းဖော်ပြလိုပါသည်။

           ၁၉၆၇ ခုနှစ်၊ တရုတ်ပြည်နှင့်ဗမာပြည်အကြားတွင်ပဋိပက္ခဖြစ်ပြီး တရုတ်ဗမာအရေးအခင်း

ဖြစ်ခဲ့သည်။ ထိုအရေးအခင်းကာလ၌ပင် ကချင်ကေအိုင်အိုခေါင်းဆောင်များတရုတ်ကွန်မြူနစ်ပါတီ 

ဗဟိုပီကင်းသို့သွားရောက်ခဲ့သည်။ 

ဝန်ကြီးချုပ်ချုအင်လိုင်း၊ တရုတ်စစ်တပ်မှူးလျှူနင်အိတို့လက်ခံတွေ့ဆုံတာဝန်ယူကြသည်။ ဗမာပြည်ကွန်မြူနစ် (ဗကပ)နှင့်ပူးပေါင်းရန်၊ ဗကပ ဦးဆောင်မှူဖြင့် တရုတ်ပြည်ကွန်မြူနစ်ပါတီက လိုအပ်မှူ့အားလုံးကိုအကူအညီပေးပြီး ဗမာပြည်တစ်ခုလုံးကို ဗမာပြည်ကွန်မြူနစ်မှတိုက်ခိုက်သိမ်းယူရန် ဆွေးနွေးတိုက်တွန်းကြသည်။နေ့၊ ည ဆွေးနွေးတိုက်တွန်းသည်။ နည်းလမ်းမျိုးစုံဖြင့်ဖိအားပေးသည်။ လနှင့်ချီ ၍ စည်းရုံးသိမ်းသွင်းသည်။ တရုတ်တပ်မှူး လျုနင်အိမှ ကချင်ပြည်မှာ ကျောက်ရှိသည်၊ ကျောက်တုံးလိုချင်၍ပြောတာမဟုတ်ကြောင်း၊ ကချင်ပြည်နယ်မှာ ၀ါးရှိသည် ၀ါးတစ်ပင်လိုချင်လို့

ပြောတာမဟုတ်ကြောင်း၊ ကချင်များ ဗမြာ့ပည်သားများ၏ကောင်းကျိုးအတွက်ကူညီပေးရန် ပြောနေခြင်းဖြစ်ကြောင်း ဒေါမန်နှင့်ပြောခဲ့သည်။ 

            ဘယ်လ်ိုပြောဆိုဆွေးနွေးသော်လည်း ကေအိုင်အို ကချင်ခေါင်းဆောင်များလက်မခံခဲ့ပါ။ ကေအိုင်အို ဗဟိုပြန်ရောက်ပြီး၊ ကချင်လူကြီးအများနှင့်ဆွေးနွေးအုံးမည်ဟုသာ စကားပေးထားပြီး ကေအိုင်အ်ို ကချင်ခေါင်းဆောင်များတရုတ်ပီကင်းမြို့တော်မှ ပြန်လာခဲ့သည်။

            အကယ်၍ ထိုအချိန်အခါ၌ ကေအိုင်အို ကချင်ခေါင်းဆောင်များက တရုတ်ပြည်ကွန်မြူနစ်ပါတီ၏ တိုက်တွန်းဖိအားပေးစည်းရုံးခြင်းကို လက်ခံသဘောတူလိုက်ပြီး၊ ကချင်များက ဗမာပြည်ကွန်မြူနစ်ပါတီ၊ တရုတ်ကွန်မြူနစ်ပါတီတို့နှင့်ပူးပေါင်းသွားပါက၊ ပြည်ထောင်စုမြန်မာနိုင်ငံဆိုသည်မှာပုံစံတစ်မျိုးအဖြစ်သို့ ရောက်သွားနိုင်သည့်အနေအထားဖြစ်သည်ကို ကချင်လူကြီးများမှ ပြည်ထောင်စုမြန်မာနိုင်ငံဆိုသည်ကို မပျောက်ဆုံးအောင်ကာကွယ်ထိန်းသိမ်းထားခဲ့သည့် သမိုင်းတစ်ကွေ့ ဖြစ်သည်ဟုတွက်ဆ နိုင်ပါသည်။

     ကေအိ်ုင်အို ကချင်ခေါင်းဆောင်များတရုတ်ပြည်ပီကင်းဗဟိုမှာရှိနေစဉ်၊ ၁၉၆၅ ခုနှစ်၊ ဇန္န၀ါရီလ (၁)ရက် မိုးမလင်မှီ ဗကပတပ်များ၊ ကချင်နော်ဆိုင်းတပ်များတို့သည် ရှမ်းပြည်နယ်မြောက်ပိုင်း ကချင်ဒေသ၊မုံးကိုးရွာ

နှင့် ဖောင်းဆိုင်ရွာတို့ကို ၀င်ရောက် တိုက်ခိုက်သိမ်းယူကြပြီး ကေအိုင်အို၊ ကေအိုင်အေတပ်များသည် ဗကပတပ်မျာ၊ နော်ဆိုင်းတပ်များနှင့်တိုက်ခိုက်ခဲ့သည်။ တရုတ်ပြည်မှလိုလေသေးမရှိကူညီထောက်ပံ့

ပေးသောဗကပတပ်များရှေ့မတိုးနိုင်ဘဲ တရုတ်ပြည်နယ်စပ်တစ်လျှောက်တွင်သာလှူပ်ရှားနိုင်ခဲ့ကြပြီး

ဗမာပြည်တစ်ခုလုံးကို သုံးလေးနှစ်အတွင်းသိမ်းပိုက်ယူရန်စီမံကိန်းမအောင်မြင်တော့ပါ။ ထိုကဲ့သို့ တရုတ်ပြည်နယ်စပ်တစ်လျှောက်တွင်သာခိုလှုံနေရသောအခြေအနေမှ နောက်ဆုံး ၁၉၈၉ ခုနှစ်

တွင်ဗကပ ခေတ်ကုန်းဆုံးရသည့်အခြေအနေဖြစ်ခဲ့ပါသည်။ 

ကချင်အမျိုးသားများအနေနှင့်ပြည်ထောင်စုမြန်မာနိုင်ငံတော်အား တစ်ဖက်တစ်လမ်းမှ ကာကွယ်စောင့်ရှောက်န်ိုင်ခဲ့သော လုပ်ဆောင်ချက်တစ်ရပ်ဖြစ်သည်ဟုဆိုနိုင်ပါသည်။

၎။ ပင်လုံကတိက၀တ်များနှင့် ပင်လုံသဘောတူညီချက် သမိုင်းမှတ်တမ်းများ

            အထက်တွင်ဖော်ပြခဲ့ပြီးဖြစ်သော ပင်လုံတွင် ရှမ်း၊ ကချင်၊ ချင်းခေါင်းဆောင်များ ၁၉၄၇ခုနှစ်၊ ဖေဖော်ဝါရီ လဆန်းတွင်စုဝေးကြ၍ မကြုံစဖူးထူးကဲစွာ ဖေဖော်ဝါရီ (၆) ရက်နေ့မှ (၁၂) ရက်နေ့အထိ၊ ခက်ခက်ခဲခဲ ဆွေးနွေးညှိနှူိုင်းကြပြီး၊ ဖေဖော်ဝါရီလ (၁၂) ရက်နေ့တွင်ဗိုလ်ချုပ်အောင်ဆန်းနှင့် ရှမ်း၊ ကချင်၊ ချင်းတောင်တန်းသားကိုယ်စားလှယ်ခေါင်းဆောင်များ ညီညွှတ်မှူ့ရရှိလာကာ၊ လွတ်လပ်သောပြည်ထောင်စုမြန်မာနိုင်ငံတည်ဆောက်ရေးအတွက် အခြေခံအုတ်မြစ်ချနိုင်ခဲ့သော သမိုင်းမှတ်တမ်းဖြစ်ခဲ့သည်။

            တောင်တန်းသားများညီညွတ်ရေးတွင် ကချင်အမျိုးသားများသည် အဓိကကျသော အခန်းကဏ္ဍမှ ပါဝင်ခဲ့ကြသည်။ ဗိုလ်ချုပ်အောင်ဆန်း မြစ်ကြီးနားသို့တက်ရောက်လာပြီး ကချင်ခေါင်းဆောင်များနှင့် တိုင်ပင်ဆွေးနွေးသဘောတူမှူ့ရရှိပြီးနောက် ကချင်ခေါင်းဆောင်များနှင့် ရှမ်းခေါင်းဆောင်များဆွေးနွေးသည့်အခါ ယခင်သဘောတူညီပြီးဖြစ်သည့် အချက် (၅)ချက် ကို တစ်ညီတစ်ညွှတ်တည်း ဆွေးနွေးသဘောတူနိုင်ခဲ့ပါသည်။ ဤသို့ဖြင့် ၁၉၄၇ ခုနှစ် ဖေဖော်ဝါရီလ (၁၂) ရက်နေ့တွင် သမိုင်းဝင်အချက်(၉)ချက်ပါ ပင်လုံစာချုပ်ကို လက်မှတ်ရေးထိုးနိုင်ခဲ့ကြသည်။

            အင်္ဂလိပ်မြန်မာစစ်ပွဲပြီးနောက် မြန်မာဘုရင်များအုပ်ချုပ်သော နယ်မြေအားလုံးကို Ministerial Burma အပိုင်းဖြင့် ၁၉၃၅ မြန်မာနိုင်ငံဥပဒေအရ အုပ်ချုပ်သော အပိုင်းတွင်မပါဝင်ခဲ့ပါ။ ယင်းဒေသများမှာ ကချင်တောင်တန်းဒေသများ၊ ရှမ်းတောင်တန်းဒေသနှင့်ချင်းတောင်တန်းဒေသများဖြစ်ပြီး ဘုရင်ခံမှ တိုက်ရိုက်အုပ်ချုပ်သည်။ ဗိုလ်ချုပ်အောင်ဆန်းက မြေပြန့်နှင့်တောင်တန်းဒေသတစ်ခုလုံးကို တစ်ပြည်ထောင်တည်းဖြစ်ရန်ဆန္ဒရှိသည်။ ထိုသို့ဖြစ်ရန်မှာ တောင်တန်းသားများ၏ သဘောတူညီမှူ့ မရမကလိုအပ်လာသည်။ အကယ်၍ တောင်တန်းသားများသဘောမတူပါက မြေပြန့်ဒေသတစ်ပြည်ထောင်၊ တောင်တန်းဒေသတစ်ပြည်ထောင်၊ နှစ်ပြည်ထောင်ဖြစ်လာဖို့ရှိနေသဖြင့် တိုင်းရင်းသားစည်းလုံးညီညွတ်ရေးသည် သေရေးရှင်ရေး အရေးကြီးလာသည်။ အဘယ့်ကြောင့်ဆိုသော်

-       ပြည်ထောင်စုဖွဲ့စည်းလျှင် တောင်တန်းဒေသများပါဝင်လာရေး။

-       တောင်တန်းဒေသအသီးသီး၌ အစဉ်အလာအားဖြင့်ရှိနှင့်ပြီးသော၊ ခံယူကျင့်သုံးလျှက်ရှိသည့် မိမိတို့ကိုယ်တိုင်ဦးဆောင်ဆုံးဖြတ်သည့်ဓလေ့။

-       ထွက်ပေါ်လာမည့် ပြည်ထောင်စုမြန်မာနိုင်ငံတစ်ခုလုံးတွင် ဒီမိုကရေစီစနစ်ကို လက်ခံကျင့်သုံးလာပြီး၊ ဒီမိုကရေစီကျင့်စဉ်နှင့်လူ့အခွင့်အရေးများကို ကျင့်သုံးလာနိုင်ရန် စသည့်အချက်များ အကောင်အထည်ပေါ်လာရေးအတွက်ဖြစ်သည်။

ဗိုလ်ချုပ်အောင်ဆန်းသည် ဘုရင်ခံ၏အတိုင်ပင်ခံအဖွဲ့တွင် ပါဝင်သည်ဖြစ်၍ အပိုင်း(၂) ဖြစ်သည့် မြေပြန့်ဒေသစီမံခန့်ခွဲမှူ့နှင့်သက်ဆိုင်သော်လည်း အပိုင်း(၁) ဖြစ်သည့် တောင်တန်းဒေသကိုမူ ဘုရင်ခံက တိုက်ရိုက်တာဝန်ယူသောကြောင့် အတိုင်ပင်ခံအဖွဲ့၌ပါသော ဗိုလ်ချုပ်အောင်ဆန်းမှ သက်ဆိုင်ခြင်းမရှိပါ။ ထို့ကြောင့် တစ်စည်းတစ်လုံးတည်းသောမြန်မာနိုင်ငံအဖြစ် လွတ်လပ်ရေးရရှိလာစေရန် တောင်တန်းဒေသများပူးပေါင်းလာရေးသည် မရှိမဖြစ်လိုအပ်နေသောကြောင့် ဗိုလ်ချုပ်အောင်ဆန်းက နည်းလမ်းရှာကြိုးပမ်းခဲ့ရသည်။ တစ်ဖက်တွင် ဖက်ဆစ်ဂျပန်တို့အား ခုခံတွန်းလှန်ရာတွင် ကချင်တို့ကို သီးခြားအခွင့်အရေးပေးလိုသဖြင့် စည်းရုံးနေသည့်အချိန်လည်းဖြစ်သည်။ ယင်းသို့သော အချိန်ကာလတွင် ဗိုလ်ချုပ်အောင်ဆန်းမှ ကချင်တိုင်းရင်းသားများကို စည်းရုံးနိုင်ခြင်းသည် ပင်လုံညီလာခံဖြစ်ပေါ်လာရေးနှင့် မြန်မာနိုင်ငံလွတ်လပ်ရေးရရှိရန်အတွက် အဓိကသောချက်ဖြစ်ခဲ့သည်။

                ဗိုလ်ချုပ်အောင်ဆန်း၏ ရိုးသားပွင့်လင်းမှူ့၊ ကချင်ပြည်နယ်ကို ကချင်များသာ အုပ်ချုပ်ရမည်၊ မြန်မာများက ကချင်များအပေါ်၌ အုပ်ချုပ်မည် မဟုတ်ကြောင်း၊ ကချင်တောင်တန်းကို ကချင်များသဘောကျ အုပ်ချုပ်နိုင်ကြောင်း ကတိက၀တ်ပြုထားသည်ကို ကချင်များသဘောကျ၍ ဗမာများနှင့် အတူ လွတ်လပ်ရေးယူရန် အခြားတိုင်းရင်းသားများဖြစ်သော ရှမ်း၊ ချင်းတို့ကို ဆက်လက်စည်းရုံးခဲ့ကြသည်။ အကယ်၍ ကချင်တိုင်းရင်းသားများဗမာတို့နှင့်အတူ လွတ်လပ်ရေးရယူရန် သဘောမတူုခဲ့လျှင် ရှမ်းနှင့်ချင်းတို့သည် ပါဝင်လာမည်မဟုတ်ပေ။ ထိုအချိန်အခါ၌ အားလုံးသဘောတူလက်ခံကြသော ပင်လုံစိတ်ဓါတ်သည် -

-       မြန်မာနိုင်ငံတိုင်းရင်းသားအချင်းချင်း လူမျိုးကြီးငယ်မခွဲခြားဘဲ သာတူုညီမျှစိတ်၊ ညီအစ်ကို ရင်းချာစိတ်၊ တစ်ဦး၏သမိုင်းထုံးတမ်းစဉ်လာကို တစ်ဦးကလေးစားလိုက်နာလက်ခံခြင်း။

-       တိုင်းရင်းသားအချင်းချင်း ယုံကြည်လေးစားကာ ထာဝစဉ်လက်တွဲလျက်ပြည်ထောင်စုကြီးကို တည်ဆောက်ရန်။

-       အတူတစ်ကွ ငြိမ်းချမ်းစွာယှဉ်တွဲနေထိုင်ရေးတွင် ကတိက၀တ် အစဉ်အလာများကို မဖောက်မပျက် လိုက်နာရန်။

-       ဗြမ္မဇ္ဖူတရားထွန်းကားသော၊ တရားမျှတသော၊ မှန်ကန်သောနိုင်ငံတွင် လူတိုင်းလွတ်လပ်စွာပါဝင်လုပ်ဆောင်ရန်တို့ဖြစ်သည်။

  (၅) ပင်လုံကတိက၀တ်ပျက်ကွယ်မှု့ကြောင့် နိုင်ငံတော်အစိုးရအပေါ်၌ ကချင်တိုင်းရင်းသားများ အယုံအကြည်မဲ့လာရခြင်း။

            ထိုစဉ်က နိုင်ငံတော်ကို ဦးဆောင်သည့်ဖဆပလ အစိုးရသည် ဗိုလ်ချုပ်အောင်ဆန်းပြောကြားခဲ့သည့် ပင်လုံကတိက၀တ်ဖြစ်သည့် ကချင်တိုင်းရင်းသားများသည် ဗမာတိုင်းရင်းသားများနှင့် တန်းတူအခွင့်အရေးဖြစ်စေရမည်ဟူသည့်အချက်ကိုမဆောင်ကျဉ်းနိုင်ခဲ့ပါ။ လွှတ်တော်တွင် ကချင်ကိုယ်စားလှယ် (၁၂) ဦးသာပါရှိသဖြင့် အမတ်ဦးရေများသော ပြည်မအမတ်များကြီးစိုးကြသည်။ ကချင်တို့တင်သွင်းသော ဆွေးနွေးချက်များအောင်မြင်ရန်လမ်းမမြင်ကမ်းမမြင် ဖြစ်ခဲ့သည်။ အဆိုးဝါးဆုံးမှာ ၁၉၅၆ ခုနှစ်တွင် ပြည်ထောင်စု၏အစိတ်အပိုင်းဖြစ်သော ကချင်ပြည်နယ် ဖီမော်၊ ဂေါ်လန်၊ ဂမ်ဖတ်နယ်များကို ကချင်အမျိုးသားများ၏သဘောတူညီချက်မရရှိဘဲ တရုတ်တို့အား ဦးနုအစိုးရမှ ဖဲ့ပေးခဲ့သည်ကို ကချင်အမျိုးသားများလုံးဝမကျေမနပ်ဖြစ်ခဲ့သည်ကို ဦးနုအစိုးရက မရှင်းပြနိုင်ဖြစ်နေသည့်အချိန်နှင့်တစ်ဆက်စပ်တည်းတွင်၊ ပြည်ထောင်စုမြန်မာနိုင်ငံတော်ကို ဗုဒ္ဓဘာသာနိုင်ငံတော်အဖြစ်ကြေငြာခဲ့သည်ဖြစ်၍ ကချင်အမျိုးသားများအတွက် မျှော်လင့်ချက်ကင်းမဲ့သလိုခံစားခဲ့ကြရသည်။ ဖီမော်၊ ဂေါ်လန်၊ ဂမ်ဖန် ရွာသုံးရွာကို တရုတ်ပြည်သု့သမ္မတနိုင်ငံမှ တောင်းဆိုစဉ် ဦးနုသည် မိမိသဘောဖြင့်တရုတ်တို့အားပေးရန် သဘောတူညီခဲ့သည့်အတွက် ထိုအချိန် ကချင်ပြည်နယ် ဥက္ကဌ ၀န်ကြီးဆန်တဆင်နှင့် ကချင်ခေါင်းဆောင်များက လူထုဆန္ဒခံယူဖို့လိုကြောင်း ပြောဆိုသည်ကို ဦးနုမှ စားပွဲကို လက်သီးနှင့်ထုပြီး Hopeless Leaders အလကားခေါင်းဆောင်တွေဟု အမျိုးမျိုးဆဲဆိုပြီးရိုင်းပြစွာဖြင့် အာဏာရှင်ဆန်ဆန်ပြုမူဆက်ဆံခဲ့ခြင်းတို့မှာ ချက်ခြင်းမီးတောက်လောင်စေသကဲ့သို့ဖြစ်စေခဲ့သည်။

                        ယင်းပြဿနာကို ဆွေးနွေးအဖြေရှာရန် နေးရှင်းသတင်းစာပိုင်ရှင် ဦးလောရုံမှ ၀န်ကြီးချုပ်ဦးနုနှင့်ကချင်ကျောင်းသားလူုငယ်များကို တွေ့ဆုံနိုင်ရန်စီစဉ်ပေးခဲ့သည်။ သို့သော်၊ ၀န်ကြီးချုပ် ဦးနု မှ You Idiot ဟု တဖတ်သတ်ဆဲဆိုကာ၊ ရိုင်းပြစွာပြောဆိုခဲ့သဖြင့် ကချင်လူငယ်များဆွေးနွေးခွင့်မရခဲ့ကြပါ။ လွတ်လပ်ရေးမရခင်ဒီမိုကရေစီရေး၊ တန်းတူညီမျှရေး၊ တောင်တန်းသားများအခွင့်အရေးဟု ကြွေးကြော်ခဲ့သော ဖဆပလ၏ကောင်းမြတ်သော မူများသည် ဦးနုအစိုးရလက်ထက်တွင်ဆိတ်သုဉ်းသွားခဲ့ရသည်။ အာဏာရှင်ဆန်ဆန် တဖတ်သတ်ပြုမူသော ၀န်ကြီးချုပ်ဦးနု၏ ဆက်ဆံမှူကို ကချင်လူငယ်များ များစွာရင်နာမဆုံးခံစားခဲ့ကြသည်။

                        ကချင်လူငယ်များအနေဖြင့် ပြည်ထောင်စုအတွင်းမှာ ကချင်အမျိုးသားတို့၏ အခွင့်အရေးရရှိမည် ဟူသော ဗိုလ်ချုပ်အောင်ဆန်းပြုလုပ်ထားခဲ့သည့် ပင်လုံကတိက၀တ်မရှိတော့ဟုခံစားခဲ့ကြသဖြင့်၊ သီးခြားလွတ်လပ်ရေးတိုက်ပွဲဝင်ရန် ဆုံးဖြတ်လုပ်ဆောင်ခဲ့ကြခြင်းဖြစ်သည်။ လက်နက်ကိုင်လမ်းစဉ်ဖြင့် အမျိုးသားရေးတိုက်ပွဲဝင်နေသော်လည်း ကေအိုင်အိ်ုအနေဖြင့် ပင်လုံကတိက၀တ်အခြေခံ၍ နိုင်ငံရေးအရအဖြေရှာရန် တွေ့ဆုံဆွေးနွေးရေးကို အမြဲတံခါးဖွင့်ထားပြီး တော်လှန်ရေးကောင်စီခေတ် (၁၉၆၃ ခုနှစ်)၊ မြန်မာ့ဆိုရှယ်လစ်လမ်းစဉ်ပါတီခေတ် (၁၉၇၂ ခုနှစ်နှင့် ၁၉၈၀ ပြည့်နှစ်)၊ တပ်မတော်အစိုးရ (န၀တ ခေတ်) (၁၉၉၄ ခုနှစ်) စသည်ဖြင့် အစိုးရအဆက်ဆက်နှင့်တွေ့ဆုံဆွေးနွေးအဖြေရှာမူ့များပြုလုပ်ခဲ့သည်။ တပ်မတော်အစိုးရ (န၀တ)ခေတ်တွင်အစိုးရမှချမှတ်ထားသော ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှု့မပြိုကွဲရေး၊ အချုပ်အခြာအာဏာတည်တံ့ခိုင်မြဲရေးဟူသော မွန်မြတ်သည့်မူအပေါ်တွင် သဘောထားတူညီမှူ့ရှိသဖြင့် ၁၉၉၄ ခုနှစ်၊ ဖေဖော်ဝါရီလ (၂၄)ရက်နေ့တွင်တပ်မတော်အစိုးရနှင့် ကေအိုင်အို အပစ်အခတ်ရပ်စဲရေး စာချုပ်ချုပ်ဆိုကာ ငြိမ်းချမ်းရေးတည်ဆောက်နိုင်ခဲ့ကြသည်။ 

                        ကချင်အမျိုးသားကေအိုင်အိုအဖွဲ့အစည်းသည် အပစ်အခတ်ရပ်စဲပြီးနောက် ၂၀၀၄ခုနှစ်တွင်ပြန်လည်ကျင်းပသော အမျိုးသားညီလာခံ၌ ကိုယ်စားလှယ်(၅)ဦးပါဝင်တက်ရောက်ပြီး ပင်လုံကတိက၀တ်ပေါ်အခြေခံသော ဖွဲ့စည်းပုံအခြေခံဥပဒေ ပေါ်ပေါက်လာရေးအတွက် အခြေခံမူများအားတင်ပြခဲ့သည်။

                        တင်ပြချက်တွင် ယနေ့ပြည်ထောင်စုမြန်မာနိုင်ငံတော်တွင်ဖြစ်ပေါ်နေသော နိုင်ငံရေးအကြပ်အတည်းမှာစစ်မှန်သောပြည်ထောင်စုပုံသဏ္ဍာန်အဆင့်နှင့် ကိုက်ညီသည့် လူမျိုးရေးအခွင့်အရေးမရရှိမှူု့နှင့်ပြည်သူလူထုတစ်ရပ်လုံးလိုလားတောင့်တလျှက်ရှိသော ဒီမိုကရေစီနိုင်ငံရေးစနစ်မရရှိခြင်းဟူသော ဆန္ဒ(၂)ခု မပြည့်စုံမှူ့ကြောင့်ဖြစ်၍ အနာဂတ်ဖွဲ့စည်းအုပ်ချုပ်ပုံ အခြေခံဥပဒေသည် အထက်ပါ ဆန္ဒ(၂)ခုအားဖြည့်ဆည်းပေးနိုင်သော အခြေခံဥပဒေဖြစ်ရန်လိုအပ်မည်ဟု အောက်ပါမူ (၅)ချက်အားထည့်သွင်းစဉ်းစားပေးရန်အတွက် တင်ပြခဲ့သည်။

            (၁)နိုင်ငံတော်အား တိုင်းရင်းသားလူမျိုးစုများနေထိုင်ရာ အမျိုးသားပြည်နယ်များကိုအခြေခံ

                သည့်  ပြည်ထောင်စုနိုင်ငံတော်အဖြစ်ဖွဲ့စည်းရန်။

            (၂) ပြည်ထောင်စုအဖွဲ့ဝင်အမျိုးသားပြည်နယ်များသည်ယနေ့နိုင်ငံတော်တာဝန်ယူနေ သော 

                  တပ်မတော်အစိုးရမှ ချမှတ်ထားသည့် ဒို့တာဝန်အရေးသုံးပါးမူဘောင်အတွင်းမိမိပြည်နယ်

                  အရေးအရာများအားစီမံဆောင်ရွက်နိုင်သည့်လုံလောက်သော ကိုယ်ပိုင်ပြဌါန်းခွင့်နှင့်

                  ကိုယ်ပိုင်အုပ်ချုပ်ခွင့်ရရှိရေး။

(၃) (က)နိုင်ငံတော်၏အရေးအရာများ စီမံဆောင်ရွက်ရာတွင် နိုင်ငံတော်၏မူလနိုင်ငံသားများဖြစ်ကြ

      သော တိုင်းရင်းသားပြည်သူ များ၏ ဆန္ဒသဘောထားအပေါ် အလေးထားအခြေခံရေးနှင့် မူလ

      နိုင်ငံသားများမှအစဉ် ဦးဆောင်မှူ့ကဏ္ဍရရှိရေး။

(၄) နိုင်ငံတော်၏အရေးအရာများစီမံဆောင်ရွက်ရာတွင်ဖြစ်စေ၊ ပြည်နယ်များ၏အရေးအရာများ စီမံ

     ဆောင်ရွက်ရာတွင်ဖြစ်စေ၊ နိုင်ငံသားအားလုံးစုစည်းညီညွှတ်စွာပါဝင်ရေး။

(၅) နိုင်ငံတော်တွင်စစ်မှန်သောပါတီစုံဒီမိုကရေစီ ထွန်းကားရေး။

            အထက်ပါမူအပေါ်အခြေခံ၍ အမျိုးသားညီလာခံသို့တက်ရောက်သော ငြိမ်းချမ်းရေးအဖွဲ့ (၁၃) ဖွဲ့မှ ကိုယ်စားလှယ်များစုပေါင်း၍ သော်လည်းကောင်း၊ ကချင်အထူးဒေသ(၂) ကေအိုင်အို ကိုယ်စားလှယ်

အဖွဲ့မှ ၇-၆-၂၀၀၄ ရက်စွဲပါ စာဖြင့်သော်လည်းကောင်း၊ ကချင်အထူးဒေသ(၂) ကေအိုင်အို ဗဟိုကော်မတီမှ ၂၂-၆-၂၀၀၇ ရက်စွဲဖြင့်၊ နိုင်ငံတော်အကြီးအကဲ ဗိုလ်ချုပ်မှူးကြီးထံသို့ တိုက်ရိုက်သော်လည်းကောင်း၊ တင်ပြ

ခြင်းများပြုလုပ်ခဲ့ပါသည်။ သို့သော်၊ မိမိတို့အလေးအနက်ထားသည့်တင်ပြချက်များကို အခြေခံဥပဒေရေး

ဆွဲရာတွင် စဉ်းစားထည့်သွင်းခြင်းမပြုခဲ့သည်ကို ၀မ်းနည်းစွာတွေ့ကြုံခံစားရပါသည်။

ကချင်တိုင်းရင်းသားများ လိုလားတောင့်တသော ပင်လုံကတိက၀တ်၊ ပင်လုံသဘောတူညီချက်များတို့ဖြင့် စစ်မှန်သော ပြည်ထောင်စုမြန်မာနိုင်ငံတော် ဖြစ်စေလိုခြင်း။

             ပင်လုံစိတ်ဓါတ်ဖြင့် စည်းလုံးညီညွှတ်ခြင်း၊ လွတ်လပ်ရေးရရှိလာခဲ့ခြင်းဖြစ်သကဲ့သို့ စစ်မှန်သော ပြည်ထောင်စုမြန်မာနိုင်ငံတော်တွင် ထာဝစဉ် ဥမကွဲသိုက်မပျက်ပါဝင်ကြရေး။

-       ကချင်ပြည်နယ်ကို ကချင်များကသာ အုပ်ချုပ်မည်ဖြစ်ကြောင်း မြန်မာများက ကချင်များအပေါ် စိုးမိုးအုပ်ချုပ်မည်မဟုတ်ကြောင်း ဗိုလ်ချုပ်အောင်ဆန်းက ကတိက၀တ်ပြုခဲ့သကဲ့သို့ကချင်

    ပြည်နယ်ကို ကချင်အမျိုးသားများ ဦးဆောင်၍ ကိုယ်ပိုင်ပြဌါန်းခွင့်၊ ကိုယ်တိုင်စီမံခန့်ခွဲခွင့်

    ရရှိရေး။

-       ကချင်ပြည်နယ်နှင့်တစ်ဆက်စပ်တည်းရှိသည့် ရှမ်းမြောက်ပိုင်းရှိ Kachin Sub-State ဒေသကို ထိုဒေသမှ ကချင်အမျိုးသားများ ဦးဆောင် စီမံခန့်ခွဲရေး။

-       မိမိတို့ကိုယ်စားဆောင်ရွက်မည့် ပြည်သူ့လွှတ်တော် ကိုယ်စားလှယ်၊ ပြည်နယ်ဥက္ကဌ  နှင့် အဖွဲ့ဝင်များကို ကချင်ပြည်နယ်သားများကသာ မိမိတို့စိတ်ကြိုက် လွတ်လပ်စွာ ရွေးချယ်

     တင်မြှောက်ခွင့်ရရှိရေး။

-       ပင်လုံစိတ်ဓါတ်ကို ထင်ဟပ်စေမည့်ဖွဲ့စည်းအုပ်ချုပ်ပုံအခြေခံဥပဒေထွက်ပေါ်လာရေးအတွက် ကချင်တိုင်းရင်းသားကေအိုင်အို ကိုယ်စားလှယ်များမှ တဆင့် အမျိုးသားညီလာခံသို့ တင်သွင်းသည့် ကချင်အမျိုးသားများ၏သဘောထားတင်ပြချက်၊ ကချင်အထူးဒေသ (၂) ကေအိုင်အိုကိုယ်စားလှယ်များမှ ၇-၆-၂၀၀၄ ရက်နေ့စွဲဖြင့်အမျိုးသားညီလာခံကျင်းပရေး

    ကော်မရှင် ဥက္ကဌနှင့်နိုင်ငံတော်အကြီးအကဲထံသို့ ထပ်မံဖြည့်စွက် တင်ပြတောင်းဆိုထား

သော အချက်အလက်စာတမ်းများတွင် မိမိတို့၏ လိုလားချက်များကို တင်ပြထားပြီးဖြစ်ပါသည်။

(၇) နိဂုံး။

                      နိဂုံးချုပ်တင်ပြလိုသည်မှာ - ကချင်တိုင်းရင်းသားများ အတိတ် သမိုင်းတွင် မည်ကဲ့သို့ တည်ရှိနေထိုင်ခဲ့ကြသည့် ပကတိအခြေအနေ၊ နယ်ခြား၊ ပယ်ခြားနိုင်ငံခြားသားများ

ကျုးကျော်ဝင်ရောက်လာသည်ကိုခုခံတွန်းလှန်တိုက်ထုတ်ပြီး တစ်မြေတည်းနေ တရေတည်း

သောက် နီးစပ်သည့် ညီအစ်ကိုအမျိုးသားများနှင့် အချင်းချင်း မှီခိုအားထားကြကာ မည်ကဲ့သို့

ပြောဆိုဆွေးနွေး သဘောတူညီကြပြီး ပြည်ထောင်စုမြန်မာနိုင်ငံတော်အဖြစ်ဖြသ့် ပူးပေါင်း

တည်ဆောက်၍ နေထိုင်လာကြခြင်းတို့ကို ပင်လုံ၌ အချက်အခြာပြုလုပ်စည်းဝေး သဘော

တုလက်မှတ်ထိုးကြသည့် သမိုင်းမှတ်တမ်းကို အတိုချုံးတင်ပြခြင်းဖြစ်ပါသည်။

                                  ဤကဲ့သို့သော အဖြစ်မှန် သမိုင်းမှတ်တမ်းများကို ထောက်ရှုပြီး ကောင်းကျိုး၊ ဆိုးကျိုးသင်ခန်းစာယူကြကာ၊ ကျွန်တော်တို့၏ပြည်ထောင်စုအတွင်းနှစ်ပေါင်း

ရှည်ကြာဖြစ်ရှိနေသည့် လက်နက်ကိုက်ပဋိပက္ခများ အဆုံးသတ်ရေး၊ တိုင်းရင်းသား ညီအစ်ကိုများ အချင်းချင်း ယုံကြည်မူ့ခိုင်မာရေးဈ တရားမျှတ၍ အေးအတူပူအမျှထာဝစဉ်လက်တွဲနေထိုင်ကြ

ရေး၊ ထာဝစဉ်သွေးစည်းညီညွှတ်ရေး၊ အဓွန့်ရေရှည်တည်တံ့ခိုင်မြဲသည့်ငြိမ်းချမ်းရေးရရှိရေး၊ 

ဒီမိုကရေစီ စနစ်ထွန်းကားရေး၊ ခေတ်မှီဖွံ့ဖြိုးတိုးတက်ပြီး စစ်မှန်သည့် ပြည်ထောင်စုမြန်မာ

နိုင်ငံတော်တည်ဆောက်ရေးစသည့် တိုင်းရင်းသားပြည်သူအပေါင်းတို့၏ အကျိုးစီးပွားကို

ရှေ့ရူပြီး ပင်လုံကတိက၀တ်နှင့်အညီ ညီအစ်ကိုများ အချင်းချင်း အာဃာတမထားကြဘဲ အပြန်အလှန် ခွင့်လွှတ်သင်ပုန်းချေကြပြီး စားပွဲပေါ်တွင်တွေ့ဆုံဆွေးနွေးအဖြေရှာကြရန် အတွက်မေတ္တာရပ်ခံ တင်ပြလျှက်ရှခြင်းဖြစ်ပါသည်။

ပြည်ထောင်စုကြီး အဓွန့်ရှည်ခိုင်မြဲပါစေ။

                                                                                                                                                                     

                                                                                                                                                                                ကေအိုင်အို ဗဟိုကော်မတီ၊

                                                                                                                                                                                (ကချင်အထူးဒေသ-၂)

                                                                                                                                                                    ၂၀၀၉ ခုနှစ်၊ ဒီဇင်ဘာ (၁၅) ရက်။

ကိုးကားသောစာအုပ်စာတမ်းများ။

၁။ မြန်မာ့စွယ်စုံကျမ်း၊ အတွဲ(၆) စာပေဗိမာန်။

၂။ တိုင်းရင်းသားလူမျိုးများအရေးနှင့် ၁၉၄၇ ခုနှစ်အခြေခံဥပဒေ။

၃။ သမိုင်းဝင်စာချုပ်စာတမ်း (ရဲဘော်လှမျိုး)

၎။ တပ်မတော်သမိုင်း ၁၈-၂၄-၁၉၄၅ ပထမတွဲ၊ စစ်သမိုင်းပြတိုက်နှင့်တပ်မတော်မော်ကွန်းတိုက်မှူးရုံး

၅။ Burma Gazetteer Myitkyina District

၁၉၄၆ ခုနှစ်၊ ဒီဇင်ဘာ (၂)ရက်နေ့မှ စ၍ကျင်းပပြီးစီးခဲ့သော ဂျိမ်းဖော့အမျိုးသားခေါင်းဆောင်ကြီးများ နှင့် ဗြိတိသျှအစိုးရကိုယ်စားလှယ်များ၏ ပဉ္စမအကြိမ်မြောက် စကားစစ်ထိုးပွဲ။

၆။ ပင်လုံစာချုပ်ချုပ်ဆိုရာတွင် အစ-အဆုံးပါဝင်၍ စာချုပ်လက်မှတ်ရေးထိုးပါဝင်သူ ဒူဝါဇော်ရစ်ရေးသားထားသည့်စာအုပ် “ကချင်ပြည်နယ်နှင့်ကျွန်ုပ်” (Jinghpaw Mung hte Ngai)

၇။ ဒူဝါဇန်ထဆင်ရေးသားထားသည့် စာအုပ် “ဒီမိုကရေစီပြောင်းပြန်”

၈။ ပြည်ထောင်စုမြန်မာနိုင်ငံ ပြည်တွင်းညီညွှတ်ရေးအကြံပေးအဖွဲ့ (၆၀) ကြိမ်မြောက် အစည်းအဝေးလုံးချင်းမှတ်တမ်း ၂၆-၃-၁၉၆၉။

၉။ ဒူဝါဇော်လောန် တင်ပြသော ကချင်လူမျိုးစုများအရေး၊ ကချင်လူမျိုးများအရေးနှင့်ပတ်သက်သော အကြံပေးချက်စာတမ်း ၁-၄-၁၉၆၈။